இரண்டாம் தவணைப் பரீட்சைப் பெறுபேறுகள் தொடர்பான விசேட ஆசிரியர் கலந்தாலோசனைக் கூட்டம்

 மட்டக்களப்பு மேற்கு கல்வி வலயத்திற்குட்பட்ட கொல்லநுலை விவேகானந்த வித்தியாலயத்தில், இரண்டாம் தவணைப் பரீட்சைப் பெறுபேறுகள் தொடர்பான விசேட ஆசிரியர் கலந்தாலோசனைக் கூட்டம் கடந்த (03.08.2026) அன்று பாடசாலையில் நடைபெற்றது.

பாடசாலையின் அதிபர் திரு. வ. துசாந்தன் அவர்களின் தலைமையில் நடைபெற்ற இக்கூட்டத்தில், தரம் 6 முதல் தரம் 9 வரையான மாணவர்களின் பரீட்சைப் பெறுபேறுகள் விரிவாகப் பகுப்பாய்வு (Analysis) செய்யப்பட்டன.

மாணவர்களின் கல்வித் தரத்தை மேலும் உயர்த்தும் நோக்கில் நடைபெற்ற இக்கலந்தாலோசனையில் அதிபரால் முக்கிய வழிகாட்டல்கள் முன்வைக்கப்பட்டன:

• பெறுபேறுகள் பகுப்பாய்வு: பாட ரீதியாகவும் வகுப்பு ரீதியாகவும் மாணவர்களின் புள்ளி விபரங்கள் விரிவாக எடுத்துரைக்கப்பட்டன.

• சிறப்பு கவனம்: கற்றலில் பின்தங்கிய மற்றும் குறைவான புள்ளிகளைப் பெற்ற மாணவர்களை அடையாளம் கண்டு, அவர்களுக்கான விசேட கற்றல் செயல்பாடுகளை முன்னெடுப்பது குறித்து ஆராயப்பட்டது.

• 'A' சித்திகளை அதிகரித்தல்: எதிர்வரும் பரீட்சைகளில் மாணவர்கள் உயர்தர 'A' சித்திகளை அதிகமாகப் பெறுவதற்காகக் கற்பித்தல் முறைகளில் மேற்கொள்ள வேண்டிய புதிய வேலைத்திட்டங்கள் மற்றும் திட்டமிடல்கள் குறித்து ஆசிரியர்களுடன் விரிவாகக் கலந்துரையாடப்பட்டது.